લોકો શેર શાહ ફિલ્મને ખૂબ પસંદ કરી રહ્યા છે અને આ ફિલ્મને લોકો ખૂબ સારો પ્રતિસાદ આપી રહ્યા છે. આ ફિલ્મ શહીદ કેપ્ટન વિક્રમ બત્રાના જીવન પર આધારિત છે. આ ફિલ્મમાં તેમના જીવન ની કહાની બતાવવામાં આવી છે. આ ફિલ્મ વિક્રમ બત્રાના માતા -પિતાને ખૂબ પસંદ આવી છે.વિક્રમ બત્રા અને ડિમ્પલ ચીમાની લવ સ્ટોરી પણ આ ફિલ્મમાં બતાવવામાં આવી છે. વાસ્તવમાં વિક્રમ બત્રા ડિમ્પલ ચીમા સાથે લગ્ન કરવાના હતા, પણ તે પહેલા તેઓ શહીદ થઈ ગયા હતા. ડિમ્પલ ચીમા વિક્રમ બત્રા સાથે એટલી બધી પ્રેમમાં હતી કે તેણે આજ સુધી બીજે પણ લગ્ન કર્યા નથી.ડિમ્પલ ચીમાએ વિક્રમ બત્રાના પરિવાર સાથે તેના સંબંધો રાખ્યા છે અને તે વિક્રમના માતા -પિતા ગિરધર લાલ બત્રા અને કમલકાંત બત્રાને દર વર્ષે બે વખત ફોન કરી સમાચાર પૂછે છે. વિક્રમના પિતાએ આ હકીકતનો ખુલાસો કરતા જાતેજ કહ્યું છે કે, “જ્યાં સુધી મારું બાળક ખોટા માર્ગે નથી જઈ રહ્યું ત્યાં સુધી હું હંમેશા ઉદાર પિતા છું.વિક્રમે એમને ડિમ્પલ અને તેની સાથે લગ્ન કરવાના તેમના ઈચ્છા વિશે જણાવ્યું. મેં તેમને કહ્યું કે, હું તેના નિર્ણયમાં તેમની સાથે છું. હું શરૂઆતથી જાણતો હતો કે ડિમ્પલ ખૂબ જ આદરણીય છોકરી હતી. જે સંબંધોને સમજે છે.તેમણે ડિમ્પલ વિશે પણ વાત કરી અને જ્યારે તેને પૂછવામાં આવ્યું કે શું તે હજી પણ તેમના સંપર્કમાં છે. તો વિક્રમના પિતાએ કહ્યું, “તે અમારા જન્મદિવસે વર્ષમાં બે વાર અમને બોલાવે છે.” તેમણે આગળ ઉમેર્યું કે, “કારગિલ યુદ્ધ પછી, અમે તેને તેની સાથે લગ્ન કરવાનું કહ્યું હતું, કારણ કે તેની આગળ જીવન છે.તેના માતાપિતાએ પણ તેને આ જ વાત કહી હતી. પરંતુ તેણીએ અમને કહ્યું કે તે લગ્ન કરશે નહીં અને બાકીનું જીવન વિક્રમની યાદો સાથે જીવશે. ડિમ્પલ ચીમા આજ સુધી સિંગલ છે અને તેણે પોતાના જીવનમાં કોઈને વિક્રમનું સ્થાન આપ્યું નથી. ડિમ્પલ હાલમાં ચંદીગઠ રહે છે. તે ત્યાં એકલી રહે છે. તે અભ્યાસ દરમિયાન ચંદીગઠમાં વિક્રમ મળ્યો હતો.ફિલ્મમાં ડિમ્પલ અને વિક્રમની લવ સ્ટોરી સારી રીતે બતાવવામાં આવી છે. કિયારાએ આ ફિલ્મમાં ડિમ્પલની ભૂમિકા ભજવી છે. આ ભૂમિકા યોગ્ય રીતે ભજવવા માટે, કિયારા ડિમ્પલને ચંડીગઠમાં મળી અને તેની સાથે વાત કરી.ડિમ્પલ સાથેની મુલાકાતનો ઉલ્લેખ કિયારાએ એક મુલાકાતમાં કર્યો હતો. આ દરમિયાન કિયારાએ કહ્યું હતું કે, “ડિમ્પલે પોતાના માટે આવી જિંદગી પસંદ કરી અને તે હજુ પણ પહેલાની જેમ ખુશ રહે છે.” જાણે કેપ્ટન બત્રા તેની સાથે જ હોય. જ્યારે મેં ડિમ્પલને પૂછ્યું કે તમે એકલા રહ્યાને આટલા વર્ષો થઈ ગયા છે, ત્યારે તેણે કહ્યું, કોઈ વાંધો નથી. હું વિક્રમથી નારાજ છું, પરંતુ જ્યારે હું તેને મળીશ, ત્યારે હું તમામ ફરિયાદો સાથે મળીને ઉકેલીશ.”
