વલસાડ જિલ્લામાં વીતેલા ૨૪ કલાકમાં સરેરાશ ૩૯.૨૯ મી.મી. વરસાદ વરસ્યો, સવારે ૬ થી બપોરે ૧૨ સુધીમાં ૩૦.૧૪ મી.મી. વરસાદ વરસ્યો

ગુજરાત એલર્ટ | વલસાડ
વલસાડ જિલ્લામાં ધોધમાર વરસી રહેલા વરસાદને પગલે સર્વત્ર લીલીછમ હરીયાળી ખીલી ઉઠી છે. નદી, નાળા, ચેકડેમ, કોઝવે અને કોતરો પણ વરસાદી પાણીથી છલકાઈ રહી છે. ત્યારે વીતેલા ૨૪ કલાકમાં તા. ૦૫/૦૭/૨૦૨૬ના રોજ સવારે ૬ થી તા. ૦૬/૦૭/૨૦૨૬ના રોજ સવારે ૬ કલાક સુધીમાં જિલ્લામાં સરેરાશ ૩૯.૨૯ મી.મી. વરસાદ વરસ્યો હતો. જ્યારે તા. ૦૬/૦૭/૨૬ના રોજ સવારે ૬ થી ૧૨ વાગ્યા સુધીના છ કલાકમાં જિલ્લામાં સરેરાશ ૩૦.૧૪ મી.મી. વરસાદ વરસ્યો હતો.
જિલ્લામાં ૨૪ કલાક દરમિયાન વરસેલા વરસાદની વિગત જોઈએ તો, આજે સોમવારે સવારે ૬ વાગ્યા સુધીમાં વલસાડમાં ૩૦ મી.મી., ધરમપુરમાં ૯ મી.મી., પારડીમાં ૧૯ મી.મી., કપરાડામાં ૫૩ મી.મી., ઉમરગામમાં ૬૯ મી.મી., વાપીમાં ૭૫ એમ.એમ. અને નાનાપોંઢામાં ૨૦ મી.મી. વરસાદ નોંધાયો હતો.
જ્યારે આજે સવારે ૬ થી બપોરે ૧૨ વાગ્યા સુધીમાં જોઈએ તો સવારે ૬ થી ૮ વાગ્યા સુધીના બે કલાકમાં જિલ્લામાં એક પણ તાલુકામાં વરસાદ વરસ્યો ન હતો. સવારે ૮ થી ૧૦ના બે કલાકમાં વલસાડમાં ૪ મી.મી., ધરમપુરમાં ૧૨ મી.મી., પારડીમાં ૩ મી.મી., કપરાડામાં ૮ મી.મી., ઉમરગામમાં ૨ મી.મી., વાપીમાં ૫ મી.મી. અને નાનાપોંઢામાં ૩ મી.મી. વરસાદ વરસ્યો હતો. જો કે, સવારે ૧૦ થી ૧૨ વાગ્યાના બે કલાકમાં મેઘ મહેર થતા વલસાડમાં ૨૪ મી.મી., ધરમપુરમાં ૧૯ મી.મી., પારડીમાં ૧૮ મી.મી., કપરાડામાં ૨૮ મી.મી., ઉમરગામમાં ૬ મી.મી., વાપીમાં ૨૯ મી.મી. અને નાનાપોંઢામાં ૫૫ મી.મી. વરસાદ વરસ્યો હતો. છેલ્લા બે કલાકમાં સર્વત્ર મેઘ મહેર થતા ખેડૂતો રાજીના રેડ થતા જિલ્લામાં વાવણી કાર્ય પૂરજોશમાં ચાલી રહ્યુ છે.