ગુજરાત એલર્ટ | વલસાડ
સંગીતની દુનિયામાં પોતાની આગવી ઓળખ બનાવનાર વલસાડના લોકપ્રિય DJ મેહુલ કાપડિયાએ એક મોટી સિદ્ધિ પ્રાપ્ત કરી છે. તેઓએ યૂટ્યુબ દ્વારા મળતું પ્રતિષ્ઠિત Silver Play Button જીત્યું છે. તેમની ચેનલ પર અત્યારસુધીમાં 1.37 લાખથી વધુ સબ્સક્રાઇબર્સ થઈ ચૂક્યા છે. તેમના ચેનલ પર રિમિક્સ, ડીજે મેશપ્સ અને લાઇવ પર્ફોર્મન્સ જેવી મઝેદાર સામગ્રી દર્શકોને ખુબ પસંદ પડી રહી છે.
DJ મેહુલ કાપડિયા માત્ર ડીજે નથી. તેઓ દક્ષિણ ગુજરાતના તહેવારોનો સંગીતમય ચહેરો બની ચૂક્યા છે. ખાસ કરીને હિન્દુ તહેવારોના ડીજે રોડશો દરમિયાન, તેમની ડીજે ઓપરેટિંગ સાથે નાચવાની સ્ટાઇલ સમગ્ર મહોલને ઊર્જાવાન બનાવી દે છે. દરેક ઉજવણીને યાદગાર બનાવવાનું આ કલાકારનું આગવી કળા દક્ષિણ ગુજરાતના નવરાત્રીના ગરબા મેદાનો સુધી પહોંચીને લોકોના દિલ જીતી લે છે.
ગયા વર્ષથી તેઓએ ગરબા વર્તુળમાં પોતાની એક મજબૂત ઓળખ ઊભી કરી છે. તેમનાં લાઈવ ગરબા પરફોર્મન્સ લોકો ખુબજ પસંદ કરે છે અને ઘણા યુવાનો માટે તે સોશિયલ મીડિયા પર પણ ટ્રેન્ડ બની ગયા છે. સાથે સાથે, તેઓ લગ્નપ્રસંગો અને વરઘોડામાં પણ એટલા જ લોકપ્રિય છે. કેટલીક રીલ્સ તો 10 લાખથી વધુ વ્યૂઝ મેળવી ચૂકી છે.
જ્યાં એક તરફ તેમની પ્રતિષ્ઠા ઊંચાઈએ છે, ત્યાં બીજી તરફ DJ મેહુલ કાપડિયા લોકોના પ્રેમ અને સમર્થન માટે હંમેશાં નમ્રતાથી આભાર વ્યક્ત કરે છે. તેમના ચાહકો તેમનું માત્ર સંગીત જ નહીં પણ તેમની વિનમ્રતા, નિર્મળ વ્યક્તિત્વ અને રમૂજી વાણીથી ભરેલું મંચ પરનું હાજરજવાબી રૂપ પણ ખુબ પસંદ કરે છે. તેમના ફોટા અને વીડિયો માત્ર મનોરંજન પૂરતા ન રહેતાં, લોકોમાં ખુશી અને પોઝિટિવ એનર્જી પેદા કરે છે.
DJ મેહુલની સફળતાની યાત્રા વલસાડના નાના વિસ્તારથી શરૂ થઈ હતી અને આજે તેઓ દક્ષિણ ગુજરાતના ડિજિટલ અને મ્યુઝિકલ આયકન તરીકે ઓળખાય છે. તેઓ પુરવાર કરે છે કે જો તમારી પાસે ખુમારી, મહેનત અને લોકોનો સાથ હોય તો સફળતાની કોઇ મર્યાદા નથી.
Silver Play Button મળવાને કારણે તેમણે જે ઓળખ મેળવી છે, તે માત્ર એક શરૂઆત છે. DJ મેહુલ કાપડિયા લોકોના દિલોમાં સંગીતનો જે પ્રકાશ ફેલાવે છે, તે અવિરત ચાલુ રહેશે તેવી આશા છે.
